Ylli Gurra: Janë paguar hoxhallarët nga Serbia për të përçarë Kosovën

Në fundjavë në Deçan është formuar këshilli iniciues për formimin e lëvizjes për braktisjen vullnetare të fesë islame.

Kështu ka bërë të ditur gazetari Zeqir Mehmetaj, nismëtar i kësaj lëvizjeje dhe sipas tij në takimin përkatës ishin të ftuar personalitete të ndryshme. Kjo lëvizje ka ngjallur shumë debat, shumë komente dhe reagime pro dhe kundër dhe shumë prej tyre kanë reaguar edhe publikisht në rrjetet sociale.

Ndërkohë ish-myftiu i Tiranës Ylli Gurra në një intervistë për emisionin “Good Morning Albanians” në Euroneës Albania, ajo theksoi se kjo ngjarje është lokale dhe sipas tij ka gisht Serbia.

Mes tjerash ai nënvizoi se janë paguar hoxhallarë nga Serbia për të përçarë Kosovën.

“Kjo ngjarje është lokale. Këto lojëra ose manipulime të shtetit serb nuk janë të reja, dhe e gjithë gjasa është se është një investim i mirëfilltë i shtetit serbë. Në kohë të caktuara, vetë regjimi i Beogradit ka shkuar në pagesa paralele të një pjesë hoxhallarësh në Kosovë. Interesimi shkon aq thellë sa për të futur në përçarje. Serbia i ka përdorur në kohë të caktuara. Nuk kishte se si i shpëtonte Serbisë pas krimit në Banjskë një tentativë e tillë”-tha ai.