Rrëfimi i dhimbshëm i aktorit Mehdi Malkaj: Tani nuk është më, kemi përjetuar një rrëmujë shpirtërore për shumë vite

Në një intervistë televizive, ai rrëfeu se për vite me rradhë familja e tij ishte përballur me një “rrëmujë shpirtërore” për shkak se i biri konsumonte lëndë narkotike. I përlotur, aktori tha se më në fund ai është shëruar dhe nuk është më përdorues i drogës.

“Unë mendoj se ky është viti më i bukur i jetës dhe familjes time. Për një arsye shumë të fortë. Unë kam dy fëmijë, djalë edhe vajzë. Djali ka qenë përdorues droge për shumë vite, tani nuk është më.

Nëse e urren dikë shumë, mos e mallko kurrë “të pafsha fëmijët të përdorin drogë”. Vit më të bukur se ky….Kam vite të tëra që kam luftuar, e gjithë familja… Nëse ke një gjë të tillë kështu, nuk ka asnjëherë shtëpi, është rrëmujë shpirtërore.”, theksoi aktori.

Aktori tha se rikuperimi i djalit nuk është vetëm një fitore familjare, por edhe një mesazh për të gjithë prindërit që përballen me sfida të ngjashme.