Rama rrëfen fanatizmin në familje: Daja më goditi nënën me shpullë për fundin e shkurtër, gjyshi e përzuri nga shtëpia

Gjatë bisedës me këngëtaren Elhaida Dani të cilën e kishte të ftuar në podcasting e tij të rradhës, kryeministri Edi Rama ka rrëfyer një rast të fanatizmit brenda familjes së tij. Ai rrëfeu një incident që kishte ndodhur mes dajës dhe nënës së tij pasi kjo e fundit ishte kthyer në Vlorë pas studimeve në Poloni.

Rama tregon se nëna kur mbërriti në Vlorë kishte veshur një fund të shkurtër për kohën e atëhershme, i cili nuk i pëlqeu dajës së tij dhe e goditi me shpullë.

“Dhe për ta mbyllur se është histori e gjatë, por për ta mbyllur ime më shkon me studime në Poloni, ku kuptohet gjërat ishin shumë më ndryshe dhe kthehet me pushime në Vlorë me një fund të shkurtër. Kur zbret në stacionin e autobusëve e priste një nga dajat, i cili direkt, direkt ia jep në shpullë. Ajo vjen dhe kuptohet që e priste i ati, i cili e sheh që ajo ishte e shqetësuar, por pa i thënë ajo asgjë.

Ai e thërret dajën dhe i thotë: Zhduku nga shtëpia dhe ti nuk do rrish këtu deri kur kjo të jetë këtu. Shko ku të duash! Dhe asaj i thotë: Ti shko vish kostumin e banjës siç e ke atje në Poloni dhe ne do të shkojmë të dy në plazh’’- tha Rama. /Shqiptarja.com