Durrësi është një thesar arkeologjik, ende për tu zbuluar/ Arkeologët nxorrën në dritë mozaikë dhe afreske të reja

Durrësi është një thesar arkeologjik, ende për tu zbuluar.

Arkeologët nxorrën në dritë mozaikë dhe afreske të reja gjatë gërmimeve në territorin e një shkolle, e cila u dëmtua nga tërmeti i vitit 2019 në Durrës dhe po rindërtohej.

Sipas arkeologut Luan Përzhita, që udhëheq misionin, gërmimet kanë zbuluar gjurmët e një pishine të brendshme të një vile të periudhës romake, e para e llojit të saj e zbuluar nga gërmimet arkeologjike në Shqipëri.