6 vite nga vdekja e befasishme e Adelajdës, dy miqtë e ngushtë i bëjnë dedikimin prekës

Plot 6 vite sot, që gazetarja dhe ish- banorja e Big Brother Albania, Adelajda Xhamani ka ndërruar jetë. Ishte një lajm tragjik ai i mëngjesit të datës 29 tetor 2017, kur të gjitha mediat flisnin për vdekjen në mënyrë të befasishme të 31 vjeçares atë kohë.

Kjo mbetet një dhimbje e madhe sigurisht për familjarët e saj, por një dhimbje dhe kujtim i paharrueshëm edhe për dy miqtë e ngushtë të Adelës.

E kemi fjalën për Eraldo Rexhon dhe Iva Kalemin, të cilët të dy e kanë kujtuar të ndjerën me nga një postim në instagram.

Adelajda Xhamani pas pjesëmarrjes së saj në show-n e njohur televiziv, u bë një nga personazhet më të pëlqyera të publikut shqiptar.