RAPORTI: IRANI PO PËRGATITET TË GODASË IZRAELIN ME 2000 RAKETA NJËKOHËSISHT!

Një raport i publikuar së fundmi nga New York Times sugjeron se një raund i ri luftimesh mes Izraelit dhe Iranit mund të jetë afër. Zyrtarë dhe analistë të Lindjes së Mesme paralajmërojnë një përshkallëzim të rrezikshëm: Irani thuhet se ka rifilluar pasurimin e uraniumit në një vend të koduar “Pickaxe Mountain” dhe përveç kësaj po zgjeron kapacitetet e raketave për t’i vënë përballë Izraelit.

Ekspertët ushtarakë dhe zyrtarët perëndimorë paralajmërojnë se një pjesë e madhe e stokut të uraniumit të pasuruar i ka “mbijetuar” sulmeve dhe se rreziku që materiali të vendoset sërish për përdorim ushtarak mbetet real. IAEA ka vlerësuar se rreth 400 kilogramë të uraniumit të pasuruar në 60% mund të jenë ende të paprekur, shifër që i afrohet niveleve që shqetësojnë për prodhim armësh.

Sipas burimeve të raportuara te Times, Irani po punon “24 orë në ditë” në fabrikat e raketave dhe zyrtarë i kanë thënë gazetës se synimi është të jenë në gjendje të lëshojnë deri në 2000 raketa njëkohësisht, me qëllim “t’i mbingarkojnë” sistemet e mbrojtjes izraelite, një përshkallëzim i madh nga vala prej rreth 500 raketash që u lëshua në qershor. Ky raport ka shqetësuar seriozisht zyrtarët izraelitë dhe partnerët perëndimorë.

Përveç kësaj, hetimet tregojnë se Irani ka rritur importet të materialeve që përdoren për karburant raketash, si sodium perchlorate, nga furnitorë kinezë, gjë që mund ta lehtësojë prodhimin masiv të raketave. Këto dërgesa kanë ngritur alarme diplomatike, pasi mund të rrisin shpejt kapacitetin prodhues të raketave.

Me marrëdhëniet diplomatike të ngrira dhe pa negociata efektive apo inspektime në terren, rajoni duket i brishtë dhe shumë analistë thonë se mund të jetë vetëm çështje kohe para një përplasjeje të re të gjerë.