Historia e një ‘vr*asësi’: Shqiptari më i njohur i mafies amerikane (Foto/Video)

John Alite ose ndryshe “Johnny Alletto” ka lindur më 30 shtator 1962, ndërsa është një nga kriminelët dhe vrasësit më të njohur në SHBA. Amerikani me orgjinë shqiptare ka qenë i lidhur me familjen Gambio dhe John A. Gotti në vitet 1980 deri në vitet 2000.

Alite u arratis në vitin 2003 pasi mësoi se kërkonin ta vrisnin. Ai udhëtoi në 20 vende të Evropës dhe Amerikës së Jugut. U arrestua në Brazil me kërkesë të Interpolit, ku kaloi dy vite në burg dhe më pas u ekstradua në SHBA në vitin 2006. Gangsteri shqiptar u dënua në vitin 2011 me 10 vite burg.

Në dëshmitë e tij ka rrëfyer se u njoh me grupin kriminal kur xhaxhai i tij e mori në një kazino. Më pas ai u bë njeri i afërt i John Gotti, i cili mori pjesë dhe në dasmën e tij të organizuar në vitin 1988. Sipas hetuesve, Alite dhe Gotti merreshin me trafikun e kokainës në Forest Hills dhe përveç kësaj merrnin dhe taksa nga shitësit e tjerë. Në vitet 1990, Alite thotë se grupi i tyre fitonte një milionë dollarë në muaj.

Në vitin 2008, Alite u shpall fajtor në mungesë për dy vrasje dhe bashkëpunëtor në katër vrasje të tjera, si dhe për dy atentate e grabitje. Vetë ai ka treguar se ka vrarë mbi 15 persona dhe ka qëlluar 37 njerëz. Ai pranoi që të dëshmonte në gjyqin ndaj familjes Gambino, ku Charles “Charlie Canig” Carneglia mori burgim të përjetshëm. Pas kësaj, ai u thirr dëshmitar dhe në gjyqin ndaj Gottit. Por, në fund, Alite u cilëua si dëshmitar i pabesueshëm.

Më 26 prill 2011, Alite u dënua me 10 vite burg, ku pasi kreu gjashtë vite pas ekstradimit, u lirua në vitin 2013. Ai njihet për thënien: “Ata që më njohin e dinë pse e bëra dhe çfarë kam bërë dhe ata që nuk mund njohin duhet të merren me punën e tyre”. Tashmë, pas publikimit të librit me titull “Rregullat e Gottit: Historia e John Alite, Junior Gotti dhe vdekja e mafies amerikane”, në janar 2015, pritet që historia të realizohet dhe film dokumentar.

Andy Delian ka publikuar dhe trajlerin e filmit “Gangsteri Perfekt”, ku në këtë dokumentar marrin pjesë jo aktorë, por figura të njohura të botës së krimit. Në dokumentar do tregohet natyra e mafies në New Yorkut dhe përfshirjen e elementëve shqiptarë në botën e krimit. Shqiptari John Alite po konkurron në këtë mënyrë edhe një projekt të aktorit të Hollywood-it, John Travolta, i cili po realizon një film mbi jetën e mafiozit amerikan John Gottit. /Panorama/