“Berisha urdhëroi vrasjen e ish-kryeministrit Bashkim Fino, nëse do futej në Shkodër do ekzekutohej”

Ish-gardisti Paro Laçi, një nga njerëzit më të afërt të Berishës, i ftuar në Report TV, tregoi ngjarje të pazbardhura më parë, të ndodhura në vitin e mbrapshtë të 1997.

Paro Laçi tha se Sali Berisha kishte planifikuar vrasjen e kryeministrit të asaj kohe, Bashkim Finos. Laçi u shpreh se nëse Bashkim Fino do të futej në Shkodër, me urdhër të Sali Berishës ishte planifikuar vrasja e tij.

“Berisha ka dhënë urdhër, kam qenë në Kurbin, nëse Bashkim Fino do hynte në Shkodër do ekzekutohej. Ka qenë një plan i mirëfilltë. U dha urdhri i Berishës, nëse do tentonte dhe do kalohej Bushati. Në Mamurras ka tentuar të vrasë Fatos Nanon, ka qenë i shoqëruar me grup të madh njerëzish. Flasim për ‘97. Bashkim Fino i vrarë ka qenë plan i mirëfilltë. Të dalin çunat e Bushatit dhe të pranojnë urdhrat e Berishës me djeg Laçin, kanë vdekur njerëz në ‘91. Janë gjithë këto krime që rëndojnë mbi Berishën”, tha Paro Laçi.